Tuesday 11 December 2012

လွတ်မြောက်တဲ့ စိတ်အကြောင်း



စိတ်ကလေး လွတ်သွားဖို့ဆိုတာ လွတ်မြောက်တဲ့စိတ်ရဖို့ဆိုတာ လွယ်တာမဟုတ်ဘူး
မရင့်ကျက်သေးရင် ရင့်ကျက်ဖို့အကြောင်းတရားတွေ ကိုယ့်မှာ လိုနေသေးတယ်
အဲဒီအကြောင်းတရားတွေက ဘာတွေလဲဆိုရင်...
    နံပါတ်တစ် ကိုယ့်မှာ လမ်းညွှန်မှု ဂိုက်လိုင်းပေးနိုင်တဲ့ မိတ်ကောင်း၊ ဆွေကောင်းတွေလိုမယ်။
    နံပါတ်နှစ်    ကိုယ့်မှာ ကိုယ်ကျင့်တရား ပြည့်စုံဖို့လိုမယ်။
    ( ဥပမာ-ရဟန်းဆိုရင် ရဟန်းတွေကျင့်ရမည့် ကိုယ်ကျင့်သီလ၊ ကိုယ်ကျင့်တရားတွေလိုမယ်။
    နံပါတ်သုံး    ကထာ (သို့မဟုတ်) စကား (၁၀) မျိုး သူများဆီက ကြားဖို့လိုမယ်။
    ဆွေးနွေးပြောကြားဖို့အတွက် စကားဆိုတာ အင်မတန်မှ ထိရောက်ပါတယ်။
    ဒီစကားတွေကိုသာ နားထောင်ရင် မရင့်ကျက်သေးတဲ့စိတ်က ရင့်ကျက်လာမယ်၊
    မလွတ်မြောက်သေးတဲ့ စိတ်က လွတ်မြောက်လာမယ်။
    ဘာစကားတွေ နားထောင်ရမလဲဆိုတော့...
၁။ အပ္ပိစ္ဆ ကထာ - လောဘဆိုတာ မထားရဘူးဆိုတဲ့ စကားမျိုးတွေ များများနားထောင်ရမယ်။
၂။ သန္တောကထာ - ရှိတာလေးနဲ့ ရောင့်ရဲရမယ်ဆိုတဲ့ စကားမျိုးတွေ များများနားထောင်ရမယ်။
၃။ အသံသဂ္ဂကထာ - ကိလေသာတွေနဲ့  စိတ်နဲ့ မရောနှောရဘူး။
တွယ်တာငြိကပ်မှုတွေနဲ ကင်းကွာလွတ်လပ်အောင်နေရမယ်ဆိုတဲ့
နေနည်းတွေနဲ ပြောပြတဲ့ စကားတွေကို များများ နားထောင်ရမယ်။
ဒီစကားတွေဟာ သိပ်ပြီးတော့ အရေးကြီးတယ်။ မကောင်းတဲ့ဘက်ကို ဖယ်ရှားပြီး၊
 ကောင်းတဲ့ဘက်ကို ကျင့်ကြံပွားများဖို့စိတ်ကို မွေးမြူရမယ်။
အဲဒါတွေကိုမွေးဖို့ တိုက်တွန်းတဲ့စကားတွေကို များများနားထောင်ပေးရမယ်။
ဟုတ်ပါတယ်။ စကားဆိုတာ အင်မတန်မှ တန်ဖိုးရှိပါတယ်။
တရားနာလိုက်လို့ဆိုရင် တရားနာလိုက်လို့ ရတဲ့အသိလေးက ကိုယ့်ကို အများကြီးပြောင်းလဲသွားစေတယ်။
ဒီစကားတွေဆိုတာလဲ မိတ်ကောင်းဆွေကောင်းဆီသွားမှ ဒီလိုစကားမျိုးကြားရမှာ။
 ဒီပြင်လူဆီသွားလို့ ဒီစကားမျိုးကြားရမှာမဟုတ်ဘူး။
ကုန်သည်ပွဲစားဆီသွားရင် အရောင်းအ၀ယ်ကိစ္စပဲကြားမယ်။
သူခိုး ဓားပြ ဆီသွားရင် တိုက်မယ် ခိုက်မယ်ဆိုတဲ့ စကားပဲကြားရမယ်။
သူတော်ကောင်းနဲ့ပေါင်းတဲ့အခါမှ ဒီစကားမျိုး ကြားရမှာပါ။
    ၄။ သီလ ကထာ - ကိုယ်ကျင့်တရားနဲ ပတ်သက်တဲ့ စကားတွေ များများနားထောင်ရမယ်၊
         များများပြောပေးရမယ်။
    ၅။ ပရိဝေက ကထာ - တိတ်ဆိတ် ငြိမ်သက်မှုနှင့် စပ်လျဉ်းသည့် စကားများများနားထောင်ပေးရမယ်။
         လွတ်လွတ်လပ်လပ် ကိုယ်လွတ်စိတ်လွတ် တရားပေါ်မှာသာ စိတ်ညွတ်ပြီးတော့နေတဲ့
         အနေအထားမျိုးကိုရှင်းလင်းပြောကြားတဲ့ စကားတွေကိုသာ နားထောင်ရမယ်။
    ၆။ သမာဓိ ကထာ - စိတ်ဓာတ်တည်ငြိမ်မှုနဲ့ ပတ်သက်တဲ့ စကားတွေများများနားထောင်ရမယ်၊
         များများပြောပေးရမယ်။
    ၇။ ပညာ ကထာ - ပညာနဲ ပတ်သက်တဲ့စကား။
    ၈။ ၀ိမုတ္တိ ကထာ - စိတ်ရဲ့ လွတ်မြောက်မှုနဲ့ ပတ်သက်တဲ့ စကား။
    ၉။ ၀ိမုတ္တိ ညာနဒဿန ကထာ - လွတ်မြောက်ပြီး ရတဲ့ အသိဥာဏ်နဲ့ ပတ်သက်တဲ့ စကား။
    ၁၀။ နောက်တစ်ခုက ကြိုးပမ်းအားထုတ်မှုလိုအပ်တဲ့ ၀ီိရိယနဲ့ ပတ်သက်တဲ့စကားတွေ များများနားထောင်ရမယ်။ များများပြောပေးရမယ်။
အဲဒါကို ကထာ (၁၀) မျိုးလို့ခေါ်တယ်။ အဲဒီစကား (၁၀)မျိုးကိုသာ ကြားနေရရင် မရင့်ကျက်သေးတဲ့စိတ်တွေ ရင့်ကျက်စေတယ်။


မလွတ်မြောက်သေးတဲ့ စိတ်တွေလွတ်မြောက်စေပါတယ်။ ဒါကြောင့် ကထာ (၁၀)မျိုးကို မကြာခဏ နားထောင်ပေးရပါမယ်။
မြတ်စွာဘုရားရှင်က ဒီ(၅)ချက်ဟာ အရေးကြီးတယ်ဟု ဟောကြားခဲ့တယ် ။ အဲဒီအချက်တွေကတော့ -
၁။    ကိုယ့်မှာ မိတ်ကောင်း၊ ဆွေကောင်းတွေရှိရမယ်။
၂။     ကိုယ့်မှာ ကိုယ်ကျင့်သီလရှိရမယ်။
၃။     ကထာ (သို့မဟုတ်) စကား (၁၀) မျိုး နားထောင်ရမယ်။
၎။    လုံးလ၀ိရိယရှိရမယ်။
၅။    အသိပညာရှိရမယ်တို့ ဖြစ်တယ် ။
ကြိုးပမ်းအားထုတ်မှုနဲ့ ပတ်သက်တဲ့ ၀ီရိယပညာတွေ လိုအပ်တယ်။ အကုသိုလ်တွေဖြစ်လာရင် ဖယ်ရှားပစ်ဖို့  ကြိုးပမ်းရမယ်။
ဘာအတွက်ကြိုးပမ်းရမလဲဆိုတော့ ကုသိုလ်တွေမဖြစ်သေးရင် ဖြစ်လာအောင်ကြိုးပမ်းရမယ်။ အဲဒီ ကြိုးပမ်းမှု (၂)မျိုးနဲ ပြည့်စုံရမယ်။

မေတ္တာဟူသည် ညီမျှခြင်း



မေတ္တာ၏ အခြေခံသည် ကိုယ်ချင်းစာ၊ ကိုယ်ချင်းစာတရားကသာလျှင် မေတ္တာတရားကို မွေးဖွားပေးပြီး
တော့ ‘ မေတ္တာဟူသည် ညီမျှခြင်း အဓိပ္ပာယ်ကို ပေါ်ပေါ်လွင်လွင် ဖော်ဆောင်ပါလိမ့်မယ်။ လိုလျှင်ကူ၊ မလိုလျှင် ငြူစူ၊ တစ်ဖက် ကူသလိုလိုနှင့် ကိုယ့်ဘက် အရချူနေတာ မေတ္တာမဟုတ်ပါ။။
တစ်နေ့သုံးခါ၊ အိုးတစ်ရာ၊ ချက်ကာ ကျွေးထမင်း
နို့တစ်ညှစ်စာ၊ ကြိမ်သုံးခါ၊ မေတ္တာပို့လွှတ်သွင်း
ဤနှစ်ဦးတွင်၊ မေတ္တာရှင်၊ သာပင်သာဘိခြင်း။

အိုးတစ်ရာနဲ့ ထမင်းချက်ပြီး တစ်နေ့သုံးခါ ကျွေးမွေးဒါနပြုခြင်းထက်…တစ်နေ့သုံးခါ နို့တစ်ညှစ်စာ
မေတ္တာပို့ခြင်းက ပိုပြီးစွမ်းအားကြီးတယ်လို့ ဆိုလိုပါတယ်။

မေတ္တာစိတ်ဆိုတာ..သတ္တ၀ါခပ်သိမ်းတို့အပေါ် နှလုံးစိတ်ဝမ်းငြိမ်းချမ်းစေချင်တာ၊
ဘေးရန်ခပ်သိမ်း ကင်းငြိမ်းစေချင်တာ၊ မငြူမစူ ကြည်ဖြူတာ၊ ဆင်းရဲကင်းစင် ချမ်းသာစေချင်တာ၊
အထင်သေးအမြင်သေး မခန့်လေးစားမလုပ်တာ၊ မိမိကိုယ်နှင့် အမျှထားတာတွေဟာ မေတ္တာစိတ်ပါပဲ။
မိမိ၏ တစ်ဦးတည်းသော သားသမီးအပေါ်ထားသော မေတ္တာစိတ်မျိုးဖြင့် သတ္တ၀ါအားလုံးနှင့် သင့်တင့်မျှတအောင် ဆက်ဆံတက်ပါလျှင် သူ့မှာ ဖြစ်ပေါ်နေသော ရာဂ ဒေါသ စတဲ့ ကိလေသာများ၊
အကုသိုလ်များကိုပင် ဖျက်ဆီးသုတ်သင်ပေးနိုင်တယ်လို့ ဆိုပါတယ်။

မဟာဗောဓိမြိုင်ဆရာတော်ဘုရားကြီး



ဗုဒ္ဓဘာသာ့ ကထာ ကောက်နှုတ်ချက်



သဗပါပဿ အကရဏံ၊ ကုသလသ ဥပသမ္ပဒါ
သ စိတ္တ ပရိယော ဒါပနံ၊ ဧတံ ဗုဒ္ဓန သာသနံ။

၁။ အတုံ့အလှည့်ကို ဖြစ်စေတတ်သဖြင့် မကောင်းမှုမှန်သမျှ လုံးဝမပြုကျင့်သင့်။
၂။ အတုံ့အလှည့်မှ ကင်းဝေးစေသဖြင့် ကောင်းမှုကိုကား မနေမနားကြိုးစားသင့်၏။
၃။ အမှားအမှန်အတိုင်း ထိုးထွင်းသိသာလာစေရန် မိမိစိတ်အဖြူစင်ဆုံးဖြစ်အောင် ပြုပြင်သင့်၏။
          ဤစကားတော် သုံးခွန်းကား  ဘုရားရှင်တိုင်း ဟောကြားသော အဆုံးအမများတည်း။
          ဗုဒ္ဓဟူသည် အမှန်တရားသစ္စာကို ထိုးထွင်းသိသော အမြတ်ဆုံးလူသားတည်း။ ဘာသာဟူသည်  ထိုသိသူက အရှိအတိုင်း ဟောကြားသော စကားတည်း။

          ဗုဒ္ဓဘာသာဝင်ဟူသည် ထိုသူ၏စကားကို စိတ်ဖြင့်လည်းလိုက်စား၊ နှုတ်ဖွင့်လျက်ကလည်းလိုက်စား၊ ကိုယ်ထိ လက်မြောက်လည်း လိုက်စားနေခြင်းတည်း။
ငါတို့ဗုဒ ၀ါဒကား..
(၁) မကောင်းမှုမပြုလင့် - မကောင်းဥာဉ်များ အားအင်ကုန်ခန်းသွားရန်အတွက်။
(၂) ကောင်းမှုမှန်ကပြုကျင့် - ကောင်းဥာဉ်များ ထွန်းကားသည်ထက် ထွန်းကားလာရန်အတွက်။
(၃) စိတ်ကိုဖြူစင်စွာထား - အရာရာကို အရှိအရှိအတိုင်း ထိုးဖောက်မြင်သိရန်အတွက်။
ထိုစကားတော် သုံးချက်လျှင် အနှစ်ချုပ်ခဲ့၏။ " မကောင်းမှုရှောင်၊ ကောင်းမှုဆောင်၊ ဖြူအောင် စိတ်ကိုထား" ဆိုပြီးလည်း အလွယ်တကူမှတ်ယူနိုင်ပါသည်။ သို့စဉ်လျက် သင်သည် သူ့အသက် သတ်ခြင်း၊ သူ့ဥစာကို နည်းအမျိုးမျိုးဖြင့် မတရားရယူခြင်း။ သူတစ်ပါးးလင်သားနှင့် သားမယားများကို ငါပျော်ပါးရပြီးရောဖြင့် ဖျားယောင်းပေါင်းသင်းခြင်း။ လိမ်ညာစကားမုသားဆိုခြင်း၊ ကာမဒုက္ခကြီးများ၏ဖြစ်စဉ်ကို မှုးယစ်ဆေးသုံးအမေ့ကောက်ထားခြင်း ဟူသော သူတစ်ပါးဝါဒကို အတုယူကာ မကောင်းရာဘက် လက်သွက်နေသော်....
          သင့်လုပ်ရပ် ဘုရားလည်းမကြိုက်၊ အများလည်းမကြိုက် ချေ။ ထိုမကောင်းမှုတန်းလန်းကြီးဖြင့် သင် ဗုဒ္ဓဘာသာစစ် မဖြစ်ချေ။
          တစ်ဖန် ထိုထိုမကောင်းကျင့်တို့မှကား ကင်း၏။ ထိုကင်းခြင်းသည် မတွေ့သေး၍သာကင်းခြင်း၊ မသတ်ရဲ၍သာကင်းခြင်း၊ မလုပ်ဝံ့၍သာကင်းခြင်းမျိုး စသည်ဖြစ်နေသော် ကောင်းရာဘက် ခြေဦးမသက်နိုင်သေးပြီ၊
          မည်သူနှင့်တွေ့တွေ့ ကိုယ့်ကိုယ်နှင့် တစ်ကိုယ်ချင်းစာနာထောက်ထားခြင်း၊
          တန်းတူတွေ့သော် မာန်ကိုနှိမ့်ချဖက်ပြိုင်မှုကင်းပစေခြင်း၊
          ကိုယ့်ထက်သာတာတွေ့သော် ၀မ်းမြောက်မှုကိုပြ မရှုဆိတ်မှု ကင်းပစေခြင်း၊
          ကိုယ့်ထက်အောက်ကျတွေ့သော် ၀မ်းနည်းမှုကိုပြ မနာလိုမှု ကိုကင်းပစေခြင်း၊
 ထိုလောကပါလ တရားများ စိတ်ဝယ်သွင်းထားပေးမှသာ ကောင်းရာဘက်ခရီးသက်စေမည်။
(က) မေတ္တာ၊ ဂရုဏာ၊ မုဒိတာဓ ဥပေက္ခာဟူသော  အထက်ပါအမြတ်ရသော နေနည်းလေးမျိုးတို့သည် လောကကြီးကို မပျက်စီးစေရန် အစောင့်အရှောက်များတည်း။
(ခ) မကောင်းမှုပြုကျင့်ရမည်ကို လူတို့မြင်မည် ကြားမည်ကို ရှက်တက်ခြင်း၊ မိမိလည်းနောင်ပြန်လည်ခံရဦးမည်ကိုကြောက်တက်ခြင်းများလည်း လောကကြီးကို မပျက်စီးစေရာ၏ အရင်းခံဖြစ်၍ လောကပါလတရားပင် ဆိုရ၏။
ထိုနှစ်မျိုးထွန်းကားနေမှသာ...
မကောင်းဥာဉ်ပျက် ကောင်းဥာဉ်ဘက် ဆက်ထွက်နေသော ဗုဒ္ဓဘာသာဝင်ကောင်း တစ်ယောက်အဖြစ် အမည်ခံထိုက်ပါချေသည်။
ထိုသူသည် ဘာမဆို အနစ်နာခံရန် မခဲယဉ်းတော့သောကြောင့်၊ ထိုသူသည် ဘာမဆိုအနစ်နာခံရန် မခဲယဉ်းတော့သောကြောင့်၊ ထိုသူသည် ဘာမဆို ကူညီရိုင်းပင်းခြင်း၊ ရက်ရောဖြင်း ထင်းလင်းရှိသောကြောင့်၊
သို့တစေလည်း သင်၏ ကိုယ်ကျိုးစွန့် အနစ်နာခံခြင်း၊ ပေးကမ်းရက်ရောခြင်းများကို အခွင့်ကောင်းယူကာ သင့်စေတနာကို အလွဲသုံးစားလုပ်သူများနှင့် ရင်ဆိုင်မိသော်ကား ရှောင်လွဲကျောပေးလျက်က ထွက်ခဲ့လေ။ မီးလောင်တွင်းကြီး၏ အထဲထင်းခြောက် ပစ်ကြဲခြင်းဖြင့် သင့်၌ ဘာမျှအကျိုးမရှိသည်ကို သတိပြုပါလေ။
          ဘုရားရှင်၏ ပါရမီဖြည့်ဘ၀ နုစဉ်ကာလတုန်းက...
(က) ပုဂ္ဂိုလ်ကိုလည်း အယုတ်အလတ် အမြတ်မရွှေးပေးစွန့်၏။
(ခ) ၀တ္ထုကိုလည်း အယုတ်အလတ် အမြတ်မရွှေး ပေးစွန့်၏။
(၃) တောင်းတိုင်းလည်း ပေးကမ်းစွန့်ကြဲလေ့ရှိ၏
          ထိုအလောင်းတော်ထုံး နှလုံးမှုလျက်ကသာ ဥာဉ်ကောင်းဘက်ဆက်ရာ၏။ တစ်ဖန်ကောင်းမှုကိုကား ပြုကျင့်နေပါ၏။ သို့တစေလည်း..စိတ်ဝယ် ရာဂ၊ ဒေါသ စသောညစ်ပေမှုများ သောင်းကျန်းနေသော် သင်ကား ဗုဒ္ဓဘာသာ၏ သားကောင်း သမီးလှ အမည်မရထိုက်သေးချေ။
          လက်ကသာ ဒါနမှုပြု၏။ စိတ်မှ ငါ- ငါ့ဥစ္စာဟူသော ဒိဌိ နှင့် တဏှာမဆွဲနုတ်သော်..
          ကိုယ်နှုတ်ကသာ သီလစောင့်၏၊ စိတ်မှကား တောကြံ တောင်ကြံ ကြံစည်နေသော်..
          ပါရမီဟူသော စကားနှင့် အလွန်ပင် အလှမ်းကွာဝေးလှချေသေး၏။ စိတ်၏ဖြူစင်ရာသို့ဟူသော ရည်မှန်းချက်နှင့်လည်း အလှမ်းဝေးလှချေသေး၏။
          စင်စစ် ကိုယ်စွန့်၍ စိတ်မလွတ်ခြင်း၊ ကိုယ်ထိန်းလျက်က စိတ်မစောင့်စည်းခြင်း ဒါနတို့သည် ကောင်းမှုဆိုရသော်လည်း ကောင်းသန့်ကား မဟုတ်ချေ။ စိတ်မစင်ကြယ်သော ကောင်းမှု၏ အကျိုးပေးသည် သဲကျမုန့်ကောက်ဝါးရသည့်ပမာ သန့်ပြန့်စင်ကြယ် သောအရသာ မပေါ်လွင်လှသောကြောင့်...
          ထိုစွန့်လွတ်မှုဒါန နှင့် စောင့်စည်းမှုသီလတို့ကို အရင်းတည်၍..
(က) ပါရမီအဆင့်ဆင့်တို့ဖြင့် မိမိစိတ်မိမိရင့်ကျက်အောင် မပြုပြင်ရသေးသော်...။
(ခ) ဥာဏ်စဉ် အဆင့်ဆင့်တို့ဖြင့် မိမိစိတ် မိမိ ဖြူစင်အောင် မဆောင်နိုင်သေးသော်...
          သင့်ကိုယ်သင် ဗုဒ္ဓဘာသာဝင်ကောင်းတစ်ယောက်ပါဟူ၍ ၀န်မခံသင့်သေးပြီ။
          အကယ်တိတိ သင့်ရှိသဒ္ဒါ၊ဆန္ဒ၊ ၀ီရိယဟူသည့် အယုံပြင်းခြင်း၊ အားထုတ်လိုခြင်း၊ အရဲပိုခြင်းသုံးမျိုး မထက်မြက်သေး၍ ထိုစိတ်ဖြူစင် ရင့်ကျက်မှုအပိုင်းအထိ မတက်နိုင်ခဲ့ပါသော်လည်း ငါလိုသေးသည်ဟုသော ကိုယ့်ကိုယ်ကို မှတ်ချက်အတေး အရေးပေးလျက်က အလယ်တန်းအဆင့် ကောင်းမှုပြုကျင့်မှုခေါ် သူတော်ကောင်းပြု အလုပ်များလောက်တော့ ကြိုးစားသင့်ပါသည်။
          အကယ်တိတိ သင့်ရှိယုံကြည်ချက် သဒ္ဒါအင်အား၊ ကောင်းမှုပြုလိုသည့် ဆန္ဒအင်အား၊ ရဲတင်းစွာကြိုးစားလိုမှု၊ ၀ီရိယစွမ်းအားများကြောင့်သော်လည်းကောင်း၊ ပစ္စည်းဓန စသည့်အခြံအရံအားများက မလုံလောက်သောကြောင့်လည်းကောင်း၊ မတက်သာသေးလျှင် ငါကားလိုသထက်လို သေးသည်ဟူသော မှတ်ချက်ပြုကာ အောက်တန်းအဆင့် မကောင်းမှု မပြုကျင့်တော့ရန်ကိုကား ကြိုးစားသင့်ပါသည်။
          ထိုအောက်အဆင့်မျှ မကြိုးစားနိုင်သော် လူဖြစ်ဖို့ရန်ပင် မလွယ်ကူပါပြီ၊ ဗုဒ္ဓဘာသာဝင် ကောင်းတစ်ယောက် ဖြစ်ဖို့ကား သာ၍ သာ၍ ဝေးကွာသွားချေပြီ။
           ဘုရားရှင်သည် အလောင်းတော် ဘ၀ကပင် အောက်တန်းအ        ဆင့်မရောက်ခဲ့ပါချေ။ အာရုံမှားသဖြင့် တိရစ္ဆာန်ဘ၀လားရသော်မှလည်း ငုံးမင်းကြီး၊ ဒေါင်းမင်းကြီးစသော  အထက်တန်းစား ချည်းဖြစ်ခဲ့ပါသည်။
          ဗုဒ္ဓဘာသာဝင်ဆိုပြီး သင် ငရဲသွားရသော်ဘာသာဝင် မစစ်သေး၍တည်း။
          ဗုဒ္ဓဘာသာဝင်ဆိုပြီး သင်အောက်တန်းစားပြိတ္တာ တိရစာစ္ဆာန်ဖြစ်နေသော်လည်းကောင်း၊ ဗုဒ္ဓဘာသာဆိုပြီး လူ့ဘ၀အခြေမဲ့ အနေမဲ့ဖြစ်နေသော်လည်းကောင်း သင်၏ ဘာသာဝင်ကတ်ပြားသည် အစစ်မဟုတ်သေး၍ တည်း။
          ဘုရားနှင့်နောက်ပါ အရိယာသာဝကတို့သည် အထက် အထက်သို့သာ လားကြာတော်မှုကြပါ၏။ ဗုဒ္ဓဘာသာဝင် အမည်ခံလျက် ဗုဒ္ဓ၏အဆုံးအမစကားအတိုင်း မကျင့်ကြံ ၍အပါယ်လားရပါချေသော် ခြေရာထပ်သားဟူ၍ မဆိုသင့်တော့ပြီ။
 သည်စကားသုံးခွန်း လိုက်နာခြင်းဖြင့် ဗုဒ္ဓဘာသာဝင်အဖြစ် ခံယူပါ
သဗပါပဿ အကရဏံ၊ ကုသလသ ဥပသမ္ပဒါ
သ စိတ္တ ပရိယော ဒါပနံ၊ ဧတံ ဗုဒ္ဓန သာသနံ။
သဗပါပဿ - မကောင်းမှုအားလုံးကို၊ အကရဏံ - မပြုကျင့်ခြင်းလည်းကောင်း။
ကုသလသ - ကောင်းမှုမှန်သမျှကို၊ ဥပသမ္ပဒါ- ပြည့်စုံစေခြင်းလည်းကောင်း၊
သ စိတ္တ ပရိယော ဒါပနံ - မိမိစတ်ကို အဆုံးအထိ ဖြူစင်စေခြင်းလည်းကောင်း (၀ါ) အဖြူစင်ဆုံးထားရှိခြင်းလည်းကောင်း၊
ဧတံ - စကားတော် သုံးခွန်းပေါင်းသည်..
ဗုဒ္ဓနံ- ဘုရားရှင်တိုင်းတို့၏ သာသနံ - အဆုံးအမတော်ပေတည်း။
                                                               မဟာဗောဓိမြိုင် ဆရာတော်ဘုရားကြီး
        ဗုဒ္ဓဘာသာ့ ကထာ ကောက်နှုတ်ချက် ဆိုပြီး ခေါင်းစဉ်ပေးထားမိခဲ့ပါသည်။ ဆရာတော်ဘုရားကြီး၏ ဗုဒ္ဓဘာသာ့ ကထာ စာအုပ်၏ အစပိုင်း နှင့် အဆုံးပိုင်းမျှ ရွှေးချယ်ကောက်နှုတ်ထားခြင်းဖြစ်သည်ကို ဦးစွာ ၀န်ခံပါသည်..။ဓာတ်ပုံကို မြန်မာ့အလင်းသတင်းစာမှ ထုတ်ယူသုံးစွဲထားပါသည်။
          စာအုပ်၏ အလယ်စာသား များသည် လည်းလွန်စွာ ကောင်းမွန်လှပါသည် တန်ဖိုးရှိ သော ဆုံးမသြ၀ါဒများကိုလည်း တွေ့မြင်နိုင်ပါသည်..။ တစ်အုပ်လုံးဖတ်နိုင်သူအတွက် ပိုမိုပြီး အကျိုးရှိမည်ဟု ထပ်လောင်း တိုက်တွန်းလိုက်မိပါသည်..။
စာဖတ်သူ များ ချမ်းသာ ကိုယ်စိတ်မြဲကြပါစေ.....
                                            မေတ္တာဖြင့်
                                                               ပူဇော်သူ----        ငြိမ်းအေးထွန်း.

Tuesday 27 March 2012

" အမျှ ဘာကြောင့်ယူရတယ် "

ရွာဦးကျောင်းက ခေါင်းလောင်းသံ၊
ဒိုးဒိုးဒေါင်ဒေါင်ညံ။
ခေါင်းလောင်းသံ ငါတို့ကြား၊
အမျှယူစို့လား။


အမျှဘာကြောင့် ယူရတယ်
ကုသိုလ်ရဖို့ကွယ်။
ကုသိုလ်သည် ဘယ်မှာလဲ၊
ခေါင်းလောင်းထိုးနေဆဲ။

အလွန်တရာလေးနက်တဲ့ပဋ္ဌာန်း စတဲ့အဘိဓမ္မာကျမ်းတွေ၊ နိကာယ်အရပ်ရပ်တွေကို
ပို့ချသင်ကြားနေတဲ့ ရတနာ့ဂုဏ်ရည် ဓမ္မစာပေသင် တန်းရဲ့သုံးနှစ်ပတ်
လည်အဖြစ်ကျင်းပတဲ့ပွဲမျိုးမှာ သြဝါဒစကားမိန့်ကြားဖို့
လျှောက်ထားတယ်ဆိုပါမှ ဘာဖြစ်လို့ခုလို မူလတန်းကလေးတွေ အတွက်ပြဌာန်းထားတဲ့
မူလတန်းဖတ်စာထဲက ကဗျာတစ်ပုဒ်ကို လာရွတ်နေရတာလဲလို့
တွေးကောင်းတွေးမိလိုက်လေမလားပါ။ နောက်ပြီး ဒို့ကိုများ မူလတန်းအရွယ်
သူငယ်နှပ်စား ထင်ပြီး စော်ကားမော် ကားလုပ်လေသလားလို့
တွေးကောင်းလည်းတွေးလေမလားပါ။ ဟုတ်တယ်။ ဒီကဗျာလေးကုို ဦးဇင်းတို့ငယ်ငယ်
တတိယတန်းလား။ စတုတုတ္ထတန်း လားတော့ တိတိကျ ကျမမှတ်မိတော့ဘူး။
မြန်မာဖတ်စာစာအုပ်ထဲ မှာ ဖတ်ခဲ့ရတယ်။
ဒီကဗျာလေးထဲကပဲ စာပိုဒ်တစ်ပိုဒ်ကိုယူပြီး ဟိုတနေ့ကပဲ “ခေါင်းလောင်းသံ
ငါတို့ကြား” ဆိုတဲ့ ခေါင်းစဉ်နဲ့ စာတစ်ပုဒ် ရေးဖြစ်လိုက်သေးတယ်။
ဒီထဲကတချို့ကတော့ ဖတ်ပြီးကောင်းဖတ်ပြီးဖြစ်လိမ့်မယ်။
အဲဒီဆောင်းပါးထဲမှာတော့ အသက်အရွယ်လေးတော်တော်ရလာတော့ ဇရာဆို တဲ့လက်နဲ့
ထိုးနှက်ခဲ့တဲ့အတွက်ကြောင့် နာကျင်မှု (ဗျာဓိ) သံစဉ်ထွက်လာတဲ့အကြောင်းကို
ရေးဖြစ်ခဲ့တယ်။ အဲဒီဆောင်းပါးရေးနေရင်းပဲ ဒီကဗျာလေးနဲ့
ပတ်သတ်တဲ့တခြားတွေးတောစရာလေးတွေလည်း စိတ်ထဲပေါ်လာလို့
အနည်းအကျဉ်းချဲ့ပြီးတွေးဖြစ်ခဲ့တယ်။

အဲဒီလိုတွေးခဲ့တဲ့အတွေးက ဒီနေ့ ဒီမှာပြောလိုတဲ့အကြောင်းအရာနဲ့
ဆက်စပ်နေတယ်ထင်မိလို့ ဒီနေရာမှာနည်း နည်းပြောပြချင်ပါတယ်။

ကဗျာလေးထဲမှာ “ခေါင်းလောင်းသံ ငါတို့ကြား၊ အမျှယူစို့လား”လို့ပါတယ်။ ဒါ
မြန်မာရိုးရာဓလေ့နဲ့ ဆက်စပ်နေတယ်။ ဦးဇင်းတို့ငယ်စဉ်က ရွာဦးကျောင်းမှာ
တော်တော်ကြီးတဲ့ခေါင်းလောင်းကြီးတွေရှိတယ်။ မင်းဖြူမှန်မှန်ပြောလို့
ဆိုကြတဲ့ အလေးချိန် ငါးသောင်း ငါးထောင် ငါးရာ ငါးဆယ် ငါးပိဿာ
အလေးချိန်ရှိတယ်လို့ဆိုတဲ့ မင်းကွန်းခေါင်းလောင်းကြီးလောက်
မကြီးမားပေမယ့် ရွှေတိဂုံဘုရားကုန်းတော် ရာဟု ထောင့်ကဓမ္မာရုံထဲမှာ
ချိတ်ဆွဲထားတဲ့ ခေါင်းလောင်းကြီးလောက်တော့ ရှိမယ်ထင်တယ်။
ရွာကျောင်းမှာ အဲဒီခေါင်းလောင်းမျိုး သုံးလေးလုံး ရှိတယ်။

ညစဉ်ညတိုင်း ၇ နာရီလောက်အချိန်မှာ ဆရာတော်အပါအဝင်
ကျောင်းမှာရှိတဲ့ကျောင်းသားကိုရင်အားလုံး ဘုရားဝတ်ကြတယ်။
ဝတ်မ တက်မီမှာ အချက်ပေးတဲ့အနေနဲ့ အဲဒီခေါင်းလောင်းကြီးတွေကိုထိုးနှက်တယ်။
ခေါင်းလောင်းသံကို တစ်မိုင်ကျော်ကျော် နှစ်မိုင်လောက်က အထိ ကြားရတယ်။

အဲဒီလိုခေါင်းလောင်းကြီးတွေထိုးနှက်ရင် ရွာဦးကျောင်းက
ဝတ်တက်ကြတော့မယ်လို့သိတာနဲ့ ရွာထဲက ဘုရားတရားဝါသနာထုံတဲ့ လူကြီး
သူမများကလည်း ကိုယ့်အိမ်က ဘုရားစင်ရှေ့မှာ ဘုရားဝတ်တက်ကြတယ်။
အိမ်မှာရှိတဲ့သားသမီးတွေမြေးတွေကိုလည်း ဘုရားရှိခိုးဖို့
တိုက်တွန်းကြတယ်။ ဒီတော့ ခေါင်းလောင်းထိုးသံက ကုသိုလ်ပြုလုပ်ဖို့
အချက်ပေးခေါင်းလောင်းသံလို ဖြစ်နေတယ်။

Wednesday 14 March 2012

မှတ်သားမိ သမျှ (၁)


ချီးမွမ်းတယ် ကဲ့ရဲ့တယ်ဆိုတာ သူတစ်ပါးအလုပ်၊
သူတစ်ပါးလက်ထဲမှာရှိတယ်။

ကိုယ့်အတွက် အရေးအကြီးဆုံးက ဘယ်သူဘာပြောပြော 
သဘောထား မှန်မှန်နဲ့ ကိုယ်လုပ်သင့်တာကို လုပ်နေဖို့ပဲ။
အဲဒါ ကိုယ့်လက်ထဲမှာရှိတယ်။

ဆရာတော် ဦးဇောတိက


သူများလောက်မလုပ်နိုင်လို့လည်း
ဘာမှစိတ်ပျက်စရာ မလိုပါဘူး။
သူများထက်ပိုလုပ်နိုင်လို့လည်း
ဘာမှစိတ်တက်စရာ မလိုပါဘူး။
သူလည်းသူစွမ်းသလောက်လုပ်
ကိုယ်လည်းကိုယ်စွမ်းနိုင်သလောက်လုပ်ရုံပါပဲ။
အကျိုးခံစားရတဲ့နေရာမှာလည်း
သူများနဲ့နှိုင်းယှဉ်ပြီး 
စိတ်ပျက်စရာ စိတ်တက်စရာ လုံးဝမလိုပါဘူး။
သူ့ကံနဲ့သူ ၊ကိုယ့်ကံနဲ့ကိုယ်ပါ။
လုပ်စရာရှိတာ အေးအေးဆေးဆေးလုပ်
ခံစားစရာရှိတာအေးအေးဆေးဆေးခံစားပေါ့။

(ဆရာတော် အရှင်ဆန္ဒာဓိက)


ကိုယ့်ကိုယ်ကို
ပုဝါဖြူလား
လက်ခုလား အမြဲစစ်။
ပ၀ါဖြူဆိုရင်
အညစ်အကြး မပေစေနဲ့ ထိန်းသိမ်း။
လက်ခုဆိုရင်
နာနာဖွတ်လျှော်မှ ဖြူမယ်လို့ မှတ်။
        ဓမ္မဒူတဆရာတော် အရှင်ပညာဇောတ


ကိုယ့်ကိုတကယ်ထိထိရောက်ရောက်
နှိပ်စက်နိုင်တာ ကိုယ်ပဲရှိတယ်။
ကိုယ့်ကိုယ် တကယ်ကူညီနိုင်တာလည်း
ဘယ်သူရှိမလဲ၊ ကိုယ်ပဲပေါ့။

               မဟာဂန္ဓာရုံဆရာတော်


သည်းခံတယ် ဆိုတာ
အရာရာကို အပြုံးမပျက်
ရင်ဆိုင်ရဲတဲ့ သတ္တိကို ခေါ်တယ်..

(ဆရာတော် အရှင်နန္ဒမာလာဘိဝံသ)

သူများ မကောင်းကြောင်းကို အချိန်ကုန်ခံပြီးတော့ ပြောမနေပါနဲ့။
သူများအပြစ်ကို အချိန်ကုန်ခံပြီး ပြောမနေပါနဲ့။
အဲဒီလို အချိန်ကုန်ခံပြီး ပြောနေရင်-
အဲဒီအချိန်တွေဟာ ကောင်းတဲ့နေရာမှာ မသုံးလိုက်ရတဲ့ အတွက်ကြောင့်
ကိုယ့်ဘ၀ဟာ တိုးတက်မှု ၊ရင့်ကျက်မှု ဖြစ်မလာနိုင်ဘူး။
If I devalue you. I devalue myself.
(သူ့ကို ငါက တန်ဖိုးချလို့ရှိရင် ငါဟာ ငါ့ကိုယ်ငါလည်း တန်ဖိုးချလိုက်ရာ 
ရောက်သွားတယ်။)

ဆရာတော်ဦးဇောတိက(မဟာမြိုင်တောရ)